مرحبا بكم زائرينا الكرام ....
نتمنى ان تقضوا اجمل الاوقات معنى وان ........
تدعموننا على الفيس و الانستجرام و التويتر و اليوتيوب وان تقوموا بالتسجيل



 
الرئيسيةالرئيسية  البوابةالبوابة  اليوميةاليومية  مكتبة الصورمكتبة الصور  بحـثبحـث  التسجيلالتسجيل  دخولدخول  الفيس  اليوتيوب  

شاطر | 
 

 كبسة اللحم الضاني

اذهب الى الأسفل 
كاتب الموضوعرسالة
najood



عدد المساهمات : 9
الخبرات التكنولوجية : 21
شهرة التكنولوجي : 0
تاريخ التسجيل : 17/01/2014

مُساهمةموضوع: كبسة اللحم الضاني    الثلاثاء فبراير 04, 2014 11:48 am

احنا النهارده باذن الله نقدم مع بعض الكبسة بطريقة مبسطة وباذن الله تعجبكم وكمان انتوا ممكن تستبدلوا اللحم الضانى بلحم كندوز او دجاج براحتكم خالص انتوا ومزاجكم يعنى

دى كده صور للكبسة معاها سلطة الزبادى والدجس "صلصلة الدقوس "بتاعها




يلا بينا على المطبخ مع بعض ونقول بســــــــــم الله





لحم ضانى او كندوز براحتك ياقمراية زى ماتفقنا

2 و نص كوب ارز بسمتى

معلقتين بهارات كبسة مطحونة "البهارات دى انا جبتها من مترو ماركت و لاقيتها كمان فى فتح الله "

فلفل - جزر "مبشور + مقطع قطع كبيرة لسلق اللحمه " - بصل "مكعبات +مقطع قطع كبيرة لسلق اللحمة " - توم

مستكة لسلق اللحمة "لو مش موجودة مش مشكلة خالص"

عصير طماطم

بهارات صحيحة "ليمون مجفف - معلقة كبيرة كركم - فلفل اسمر حب - كسبرة ناشف حب - ورق لورا - قرفة عيدان - حبهان - قرنفل "





هنحط معلقة سمنة بلدى وبعد ماتسيح وتسخن هنحط المستكة تسيح وبعد كده هننزل بنص كمية ورق اللورا والحبهان والجزر المقطع كبير والبصل المقطع كبير والتوم ونقلبهم اوى



بعد كده احط بهارات الكبسة الناعمة ونص كمية الكركم معاهم واقلبهم تانى كويس معاهم



وبعدين انزل اللحمة تتشوح كويس مع البهارات والخضار وازودها مياه مغليه عشان ماتكش منك واسيبها تستوى خالص او تسيبها تستوى تلات اربع سوا حسب ماانتى بتحبى سوا اللحمة

انا عشان بنبحبها مهريه بسويها فى الشوربة وبعدين تكمل وتتهرى مع الرز



نيجى فى حلة تانية نحط البصل ونشوحة شوية لحد مايبدا يدبل



بعد كده ننزل بالجزر المبشور عليه



وبعد كده نحط البهارات الصحية والفلفل الاخضر "لو بتحبيها حراقة زودى قرن فلفل حامى معاها" كلها ونقلبها لحد مانبدا نشم ريحتها



بعدين نحط اللحمة اللى استوت ومعاها عصير الطماطم ونقلبهم مع البهارات



وبعدين نزود كمية المياة اللازمة لتسوية الارز يعنى ال 2 كوب ونص ارز اخدوا 5 كوبايات شوربة من اللى استوت منها اللحمة



لما تغلى الشوربة تانى مع اللحمة ننزل الارز فيها وبعدين نسيب الشوربة تغلى شوية ونهدى عليه النار خالص ونسيبه لحد مانشم ريحته نشوفه استوى ولا ايه

وبعدين نقدم الكبسة بتاعتنا ونزينها ببصل متحمر زى بتاع الكشرى ومكسرات انا قشرتها وحمصتها





ونقدم معاها سلطة الزبادى ترطب معاها وصلصة الدقوس "الدجس الحار "




كبسة اللحم الضانى السهله
الرجوع الى أعلى الصفحة اذهب الى الأسفل
 
كبسة اللحم الضاني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: الاسرة العربية :: المطبخ-
انتقل الى: